قلت الوداع.... وجاوبـت دمعـة العيـــــن
تجـرح.... بساتيـن الخـدود... النديــــــه
واغضت..وشفت بعينهاالحزن..حزنيـــن
وصاحت ..على الفرقا ...انـا مـو قويــــه
وجاوبتها...ارجـوك ..تكفيـن.. تكفيـــــن
والله ولله دمعك....يشعـل النار...فـيّـــــه
وقالـت ...تعاهدنــي....عـهـاد المحبـيــــن
الله يخــون... اللـي يخــون ...بخويّــــــه
قلـت ابشري...واللـي خلقـــك لاتظنيـــــن
حـرااااام...ماغيرك...عشقـت ..آدمـيـــــه
وقصّـت شعرها...قلت انـا..وش تسويـــن
قالــت ابـي ..مـن غرتــي....لـك هديـــــه
ونادتنـي الغربــه...علـى الهـم والبيــــن
احسّـب الأيـااااام... روحـــه... وجيّـــــه
وفـي كـل ليلــه...ترتسـم بيـن رمشيــــن
خيالـــها...بيـن الـرمـوش... الشقـيـــــه
غربة سنه...فـي ذمتـي غربـة سنيــــــن
متى علـى الله.... يلتقـي الحـي... حيــــه
خلاص...هانـت...مابقـى غيـر يومـيــــن
خـلالالالاص ... قفّت..غربـةٍ جرهديـــــه
ورجعت....شوقي في خفوقي... براكيـــن
ورجعـت انـا... كلـــي لــها....جاذبـيــــه
وسألت ما ردّوا...وانا اصيح هي..وين !!!
وكــلٍ نثر... مـن داخـل العيـن... مَيّـــــه
وفـي معمعـة حزنـــي...تلقيـت رمحيـــــن
قالـــوا توفــــت ..غافلتـهـا ...المنـيــــــه
وفـي غرغرتها...ماذكرت...غيرحرفيـــــن
تشهـــدت بسـمـــك... شـفـــاه البنـيـــــه
وتزاحمـــت فـي داخلــي...ألـف سكـيـــــن
والحـزن..يطويـنـي ثمانيـــن....طـيّـــــــه
صدمــه..وجابتنـي علىالارض..نصفـيــــن
وشلـون راحـت دون... ذنـــب وخطيــــــه
تكفــون....دلـونـي علىالقبر..هالحـيـــــــن
مـاعـااااد فيـنـي للصبـــر....مقـدريــــــــه
ووقفـــت اطالـع قبــرها...بيـن نصبـيـــــن
وجلست..اضـم اغلـى النصايـــب عليّــــــه
واصيح....وش بك يا غــلا.. مـا ترديـــــن
اشتقـــت.. همس..إشفاهك...النرجسـيـــــه
وش فيك...جيــت من السفر...مـا تهليـــــن
ماهـي بلك عـــاده....ولا انتـي... رديــــــه
وحاولــت في لحظة جنون...اجـرح الديــــن
وازيـــح تـربـة قبــــرهـا....فـــي يـديّــــــه
وبالغصــب شالوني...حشـا تقـل مسكيـــــن
واصــرخ بهـــم...والله...والله ولله حـيّـــــه
اقفــت...وتاهــت بـي جميـــع..العنـاويـــــن
والحـــزن يلعــب...داخلـي ....سامـريــــــه
ورجعـــت لـدروب الشقــــا.. قبـل عاميــــن
مـــدري مـن اللـي صـار.. فينـــا ضحيــــــه
.......
انتظر ردودكم
